ជនជាតិចិនចំនួន៧នាក់ ត្រូវបានកម្លាំងនគរបាលអន្តោប្រវេសន៍ បណ្តេញចេញពីព្រះរាជាណាចក្រកម្ពុជា
03-January-2020 | ដោយ ពលមនសិការ
ភ្នំពេញ៖ ជនជាតិចិនចំនួន៧នាក់ ត្រូវបានកម្លាំងនគរបាលអន្តោប្រវេសន៍ បណ្តេញចេញពីព្រះរាជាណាចក្រកម្ពុជា នៅថ្ងៃសុក្រ ០៩កើត ខែបុស្ស ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៣ ខែមករា ឆ្នាំ២០២០។
លោកឧត្តមសេនីយ៍ទោ វឌ្ឍនៈ មង្គល ប្រធាននាយកដ្ឋានស៊ើបអង្កេត និងអនុវត្តនីតិវិធី បានឲ្យដឹងថា ដោយមានការចង្អុលដឹកនាំពី ឯកឧត្តម នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ កម្លាំងជំនាញសហការជាមួយប៉ុស្តិ៍នគរបាលច្រកទ្វារអាកាសយាន្តដ្ឋានអន្តរជាតិភ្នំពេញ បណ្តេញចេញ ជនជាតិចិន ចំនួន០៧នាក់ដែលឃាត់ខ្លួនកាលពីកន្លងមក។
ជនជាតិចិនទាំង៧នាក់នោះរួមមានៈ១- ឈ្មោះ NI MINGDONG, ២- ឈ្មោះ WANG JINLON, ៣- ឈ្មោះ NI JIANWEN, ៤- ឈ្មោះ ZHANG MENG, ៥- ឈ្មោះ NI JIANHE, ៦- ឈ្មោះ SHAN LIANG, ៧- ឈ្មោះ XU ZHONG GUI។
លោកឧត្តមសេនីយ៍ទោ វឌ្ឍនៈ មង្គល ប្រធាននាយកដ្ឋាន បានឲ្យដឹងថា ជនសង្ស័យខាងលើ ទទួលមកពី នាយកដ្ឋានប្រឆាំងបទល្មើសល្បែងពាណិជ្ជកម្ម នៃអគ្គស្នងការដ្ឋាននគរបាលជាតិ បទល្មើស ឆបោកតាមប្រព័ន្ធទូរគមនាគមន៍ ត្រូវបានបណ្តេញចេញតាមប្រកាសក្រសួងមហាផ្ទៃ ដោយហាមចូលព្រះរាជាណាចក្រកម្ពុជារយះពេល ០៣ ឆ្នាំ តាមជើងហោះហើរលេខ ZH9028 . MU250 . 9CY242 ដោយមានសមត្ថកិច្ចនគរបាលមកពីប្រទេសចិនចំនួន ២២នាក់ មកទទួល និង អមដំណើរទៅជាមួយ ៕
ចំនួនអ្នកទស្សនា
- ថ្ងៃនេះ11941
- ម្សិលមិញ15681
- សប្តាហ៍នេះ70781
- ខែនេះ92661
- ឆ្នាំនេះ92661
- សរុប20535117